NAMTAKA MPENZ WANGU ARUDI SEHEMU YA 07, 08, 09, 10, 11 & 12

NAMTAKA MPENZ WANGU ARUDI  SEHEMU YA 7

WHATSAPP 0655585220
ZANZIBAR 

“Utakuwa umekosea namba dada.”
“Jomoniiiii! Kweli nimekosea namba kaka’ngu?” aliuliza Amina, hako kasuati kake bado kalikuwa na msisimko moyoni mwa Dickson.
“Yeah! Umekosea!”
“Sawa. Basi nashukuru baby boy!” alisema Amina, alivyosema Baby Boy, mapigo ya moyo wa Dickson yakaongeza kasi.
Huo ndiyo ulikuwa udhaifu wake mkubwa, alipenda sana wanawake japokuwa moyo wake ulikuwa umezama na kuoza kwa Nandy. Kila alipokuwa akiongea na msichana huyo ndivyo alivyozidi kuchanganyikiwa naye.
Mwisho wa siku wakaanza kupiga stori za kawaida na kuzoeana huku Amina akimwambia Dickson kwamba katika maisha yake alikuwa amekutana na mwanaume kimwili mara moja tu, tena maumivu aliyoyasikia siku hiyo, hakutaka kurudia tena.
“Huwa inauma kwa siku moja tu, baada ya pale, mambo yanakuwa mukide,” alisema Dickson kwani alijua kuwa aliyekuwa akiongea naye alikuwa msichana wa uswahilini hivyo naye akaanza kuingiza mikato ya kiswahili.
“Basi sawa.”
“Nimefurahi sana. Hebu nitumie picha zako!”
“Upo WhatsApp bebi?”
“Nipo!”
“Sawa nakutumia!”
Kwa kipindi cha dakika chache tu tayari alikuwa amemsahau Nandy, msichana mpya akamuingia moyoni mwake na hakutaka kusikia la mtu yeyote yule.
Akaingia WhatsApp huku tayari akiwa amesave namba ile kama Cute Ammy. Baada ya dakika chache, picha zaidi ya kumi na tano zikaingia kwenye simu yake, alipozipakua na kuziangalia, Dickson bado nusu azimie kwa mshtuko.
Hakuamini kama angekutana na mwanamke aliyekuwa na kalio kama lile alilokuwa akiliona, alichanganyikiwa, aliliangalia mara mbilimbili, lilikuwa kama pembe la ng’ombe, hata lilipokuwa likifunikwa khanga bado lilionekana tu.
Macho yakamtoka, ashki ya kufanya mapenzi na Amina ikamkamata kwa kiwango cha juu kabisa. Wakati akiwa amepigwa butwaa, akatumiwa video ilioyomuonyesha msichana huyo akikatika kitandani huku akiwa amevaa taiti na cheni kiunoni.
“Mamaaaaaaaaa..” alijikuta akisema kwa sauti, akainuka kabisa kitandani ili aone vizuri kwani alihisi kama anapitwa.
Udenda ukamtoka, alikuwa kama fisi aliyeona mzoga. Hakutaka kuchelewa, hapohapo akampigia simu.
“Amina. Naomba nikuone!” alisema Dickson huku akionekana kuchachawa.
“Jomoniiiiiii!”
“Please naomba nikuone! Siwezi kuvumilia, nitakulaje kwa macho na wakati nina mikono!”
“Utaweza?”
“Nijaribu!”
“Basi sawa. Kwa sasa nipo Dodoma, nitakuja kesho, nitapanda basi la asubuhi, nahisi saa kumi nitakuwa huko,” alisema msichana huyo, hakuwa Dodoma, alikuwa chumbani kwake huko Manzese.
“Hapana! Nakutumia nauli ya ndege uwahi. Ngoja nikutumie,” alisema Dickson.
Hakutaka kuchelewa, haraka sana akaingia kwenye huduma za kibenki kwenye simu yake na kumtumia msichana huyo kiasi cha shilingi laki tano. Hakutaka kuona akichelewa kufika Dar, alitaka kumuona haraka sana.
Amina alipoipokea pesa hiyo, akasimama, akanyoosha mikono yake kama ishara ya kumshukuru Mungu kwa makalio makubwa aliyompa kwani ndiyo yalikuwa yakimfanya kuwachuna wanaume vilivyo.
“Mungu ahsante kwa haya makalio, hakika ulijua kuyaumba,” alisema Amina.
Upande wa pili Dickson alikuwa amechanganyikiwa, akili yake iliruka, muda wote alikuwa akiziangalia picha za msichana huyo, zilimchanganya kupita kawaida.
Hakuacha kuchati naye, muda mwingi alikuwa akichati naye na kumwambia jinsi alivyokuwa na hamu ya kukutana naye. Siku hiyo hakutaka hata kuwasiliana na Nandy, mtu wa kwanza aliyekuwa kichwani mwake alikuwa huyo Amina.
Usiku, mawazo yote yalikuwa kwa msichana huyo, hakuacha kuwasiliana naye na kurudia kuziangalia picha zile mara kwa mara.
“Ila naomba nikuulize kitu bebi!” alisema Amina.
“Uliza tu!”
“Una mpenzi?”
“Hapana! Sina! Nimekuwa peke yangu kwa kipindi kirefu sana mpenzi,” alijibu Dickson.
“Kweli?”
“Haki ya Mungu tena.”
“Basi kwanza nitumie picha zako na wewe.”
“Haina shida.”
Dickson hakutaka kuchelewa, muda huo alikuwa radhi kufanya kitu chochote kile lakini si kumkosa Amina aliyekuwa na makalio makubwa. Akamtumia picha zaidi ya tano hukohuko WhatsApp.
Amina alipozipata picha za kijana huyo na kuziangalia, hakuamini kama mtu huyo ndiye aliyekuwa akichati naye. Dickson alionekana kuwa kijana mwenye sura nzuri kupita kawaida.
Tabasamu lake lilimpagawisha Amina, alichanganyikiwa, katika maisha yake japokuwa alitembea na wanaume wengi lakini hakuwahi kutembea na mwanaume aliyekuwa na sura nzuri kama alivyokuwa Dickson.
Aliambiwa kuucheza mchezo mbaya sana na Linda lakini kwa jinsi Dickson alivyokuwa na sura nzuri, akajiuliza kwa nini asitulie naye na kufikiria kujenga maisha?
“Hivi kweli niucheze mchezo ule jamani kwa mwanaume mwenye sura nzuri kama huyu? Mh! Mbona Linda ananipa wakati mgumu!” alijisemea.
Baada ya kumaliza kuwasiliana na Dickson, akaamua kuwasiliana na Linda na kumwambia kila kitu kilichokuwa kikiendelea kwamba alifanikiwa kwa kiasi kikubwa kazi ile aliyokuwa amempa.
Kwa msichana huyo ilikuwa ni furaha tele kwani miongoni mwa vitu ambavyo hakuwa akitamani kuviona ni Dickson akimuoa Nandy ambaye kwake alionekana kama adui mpya katika maisha yake.
“Sasa onana naye kwa siku ya kwanza, muonyeshee mambo mazito, kitandani tawala sana mchezo mpaka achanganyikiwe,” alisema Linda kwenye simu.
“Haina shida, nitafanya kama nacheza baikoko au segele,” alisema Amina huku akiwa na uhakika wa kufanikiwa kwa kie ambacho angekwenda kukicheza kwa mwanaume huyo.
Siku iliyofuata akawasiliana na Dickson na kumwambia apange sehemu ambayo walitakiwa kuonana. Hilo halikuwa tatizo, Dickson akamwambia sehemu ambayo walitakiwa kukaa na kuzungumza.
Ilikuwa ni kwenye hoteli ya Mmarekani Royal iliyokuwa Sinza jijini Dar es Salaam. Wakati Dickson akiingia mahali hapo, kila mtu alibaki akiliangalia gari alilokuja nalo, lilikuwa la kifahari mno, kila mtu aliliangalia huku wakiwashtua wenzao ambao hawakuwa wameliona.
Baada ya sekunde chache, Dickson akateremka, kila mtu alibaki akimshangaa, wasichana waliokuwa mahali hapo wakabaki wakimwangalia. Dickson alikuwa na sura ya ajabu, alikuwa mwanaume ambaye alibarikiwa sura, iliwezekana kuwa zaidi ya wanaume wote nchini Tanzania kipindi hicho.
Hotelini hapo,wakaonana, uzuri wa Dickson ulikuwa umeongezeka machoni mwa Amina, alibaki akimwangalia mwanaume huyo, hakuamini kama mtoto wa Manzese kama yeye ambaye alizoea kupata wanaume wababaishaji sasa alikuwa njiani kulala na mwanaume aliyekuwa na sura nzuri kama Dickson.
Wakabaki wakiongea tu kwenye mgahawa wa hotelini hapo. Amina alijua kuongea na mwanaume alijua jinsi ya kumfanya mwanaume kumdatisha. Wakiwa hapohapo kwenye viti, akaupeleka mkono wake katika miguu ya Dickson na kuanza kumminyaminya kwa kutumia kucha zake ndefu.
Hilo lilimpagawisha mno Dickson, alichanganyikiwa, hakuamini kama msichana huyo alimfanyia michezo hiyo ambayo alizoea kuiona katika filamu za kikubwa tu.
Hakuwa amewahi kutembea na mwanamke wa uswahilini, alizoea kutembea na wanawake wa ushuani ambao hawakuwa wakijua lolote lile, hawakujua jinsi ya kumpagawisha mwanaume faragha, hawakujua kufanya chochote zaidi ya kuwa gogo tu kitandani.
Amina alilijua hilo, alimfanyia utundu hapo kwenye kiti mpaka Dickson akachanganyikiwa, akili ikamruka na kuhisi kama alikuwa kwenye ulimwengu mwingine kabisa.
“Nakupenda mpenzi!” alisema Amina, tena alimwambia hilo sikioni kabisa huku akimpulizia na pumzi yake katikati ya sikio.

NAMTAKA MPENZ WANGU ARUDI SEHEMU YA 8


“Oooh! Aishiiiiii,” alijikuta Dickson akitoa sauti ya mhemko.
Hawakutaka kuchelewa, hapohapo akamchukua msichana huyo na kuelekea naye chumbani, walipofika, akamlaza kitandani na kuanza kuuchezea mwili wake.
“Subiri kwanza!” alisema Amina.
“Kuna nini?” aliuliza Dickson.
“Chini kumelowa!”
“Unamaanisha nini?”
“Nipo kwenye siku zangu. Leo ndiyo siku ya mwisho!” alisema Amina.
Dickson hakutaka kukubali, alitaka kuhakikisha kile alichoambiwa, Amina hakuwa na presha, akavua nguo zake na kumuonyeshea kile kilichokuwa kikiendelea huku akiwa amepaka tomato iliyokuwa na muonekano kama wa damu.
“Kwa hiyo?”
“Leo ndiyo inaisha! Naomba tufanye kesho bebi,” alisema Amina.
Dickson alichanganyikiwa lakini hakuwa na jinsi, akakubaliana naye, humo chumbani akabaki akiliangalia wowowo la Amina mpaka aliporidhika na msichana huyo kuondoka.
Walibaki wakiwasiliana kama kawaida, baada ya kumaliza, akampigia simu Linda na kumwambia kilichotokea.
“Wewe mwanamke kiboko! Hebu tuonane kwanza nikugawie kamera yenyewe. Halafu hakikisha sasa hivi chumba unalipia wewe, chagua hoteli ya mbali kidogo, utategesha kamera, wakati akiingia, uanze kurekodi, hakikisha hiyo kamera inafichwa, mkianza kufanya mapenzi jifanye kama hutaki ili awe katika hali ya kukulazimisha, sawa?” alisema Linda.
“Sawa!”
“Nataka nimkomeshe huyu mpumbavu. Hawezi kuniacha kijingajinga,” alisema Linda na kukata simu. Wakapanga muda wa kuonana, wakaonana na kumkabidhi kamera hiyo. Kazi ikabaki kwa Amina kufanya kazi aliyokuwa amepewa.

Nandy hakujua ni kitu gani kilikuwa kikiendelea, alizoea sana kupokea simu kila wakati kutoka kwa mpenzi wake, Dickson na kumjulia hali lakini siku moja tu mambo yalikuwa ni tofauti kabisa. Alisubiri kuanzia asubuhi mpaka mchana lakini hakukuwa na simu yoyote iliyoingia kutoka kwa kijana huyo.
Alichanganyikiwa, alimpigia simu lakini kitu cha ajabu kabisa simu yake haikuwa ikipokelewa. Hakujua ni kitu gani kilikuwa kikiendelea, aliogopa na kuhisi kwamba inawezekana mpenzi wake huyo alikuwa amepata tatizo.
Nyumbani hakukukalika, akaondoka kuelekea nyumbani kwa akina Dickson, alipofika huko, akamkuta mama yake, Natasha na kumuuliza kilichokuwa kikiendelea. Kama ilivyokuwa kwa Nandy, hata na yeye hakujua kitu chochote kile, akajaribu kumpigia simu mtoto wake huyo lakini matokeo yalikuwa kama ya Nandy kwamba simu haikupokelewa.
Wakahisi kulikuwa na tatizo, akawapigia marafiki zake chuoni, hao ndiyo waliomwambia kwamba hakukuwa na tatizo lolote lile na inawezekana kwamba simu alikuwa ameiacha hosteli na ndiyo maana hakuwa akipokea.
“Mna uhakika hakuna lolote baya huko?” aliuliza Natasha.
“Hakuna mama! Dickson yupo safi tu, aliondoka hapa kama dakika ishirini zilizopita,” alisema kijana aliyekuwa akiongea naye kwenye simu.
“Na alikuwa na simu yake?”
“Hapana! Nahisi aliiacha hosteli. Hutakiwi kuhofia lolote mama, Dickson yupo salama kabisa,” alisema kijana huyo.
Hilo kidogo likamfanya mama yake kushusha presha na kumwambia Nandy kwamba hakukuwa na jambo baya lolote lile kwani Dickson alikuwa salama kabisa na kuhusu kutokupokea simu zao iliwezekana aliisahau simu yake hosteli.
Wakati Nandy akipiga simu si kwamba Dickson hakuiona, aliiona, mawazo yake hayakuwa kwa msichana huyo kipindi hicho, moyo wake ulichanganyikiwa na wowowo la Amina, aliiacha simu hiyo kwani kama angeipokea ilimaanisha kuwa angechanganya vitu viwili kwa wakati mmoja.
Hata mama yake alipokuwa akipiga, alihisi kabisa kwamba baada ya Nandy kutokupokea simu zake alikwenda nyumbani kwao na mama yake kujaribu kumpigia, hivyo alichokifanya hata naye hakumpokelea.
Hiyo ilikuwa siku ya kwanza na hata ile iliyofuata ambayo ndiyo ilikuwa ni kuonana na Linda, hakupokea simu yoyote ile. Wakakutana hotelini na kuagana, siku ya tatu pia ambayo ndiyo ilikuwa ya kufanya ngono, hakutaka kumpigia simu Nandy, hakuwasiliana naye kwa siku mbili mfululizo lakini moyo wake wala haukujishtukia, kwake aliona kila kitu kipo sawa kabisa.
Amina akampigia simu na kumwambia kwamba walitakiwa kuonana katika Hoteli ya Las Vegas iliyokuwa Sinza, jiji Dar es Salaam, hilo halikuwa tatizo kwa Dickson, hata kama hakuwa akiifahamu hoteli hiyo alihisi kabisa kwamba angeelekezwa mpaka kufika huko.
Muda ulipofika, hakutaka kuchelewa, haraka sana akaingia ndani ya gari na kuelekea katika hoteli hiyo ambapo baada ya dakika ishirini, akafika na kulipaki gari sehemu ya maegesho na kuelekea ndani ambapo baada ya kusema kwamba kulikuwa na mteja wake na kumtaja jina, Amina akapigiwa simu na kuambiwa aelekee katika chumba hicho
Amina alifika mapema kabisa mahali hapo huku akiwa na mkuba wake, akaomba chumba na kuambiwa kwamba vyumba viivyobaki vilikuwa vya shilingi elfu hamsini kwa usiku mmoja, hilo halikuwa tatizo, akalipia na kupewa ufunguo, akaanza kuelekea huko.
Pale mapokezi, kulikuwa na wanaume kadhaa waliokuwa wamekaa, Amina alivyoingia, kwanza kwa uzuri wake, aliwadatisha na hata alipogeuka na kuwaonyeshea wowowo lake, kila mmoja udenda ukamtoka.
Hawakuamini kama kungekuwa na mwanamke nchini Tanzania aliyekuwa na wowowo kama lake, alidatisha, alionekana kuwa mtamu, kila mwanaume alichanganyikiwa na kubaki wakimtumbulia macho huku mioyoni mwao wakimuonea wivu mwanaume aliyekuwa akienda kulala naye chumbani.
Amina alijua kuwatega wanaume, alijua kabisa kwamba pale mapokezini wale wanaume walikuwa hoi, alichokifanya ni kujishembendua, kulitingishatingisha kitu kilichoonekana kuwapagawisha zaidi.
Akaelekea chumbani, alipofika, akachukua mkoba wake, akaufungua na kutoa kamera ndogo, ilikuwa imekwishachajiwa na ndani kulikuwa na kadi kabisa. Akaelekea kwenye kabati, akafungua mlango wa kabati hilo la kuwekea mataulo na kuiweka kamera ile na kumpigia simu Dickson.
Wakati alipopigiwa simu kuonyesha kwamba tayari Dickson alifika, akaiwasha kamera hiyo na kuanza kurekodi. Mahali ilipokuwa, ilikuwa ni vigumu sana kwa mtu kuweza kuiona, baada ya dakika mbili, mlango ukaanza kugongwa, alipofungua macho yake yakatua kwa mwanaume huyo.
Kwa jinsi alivyokuwa amevaa taulo, Dickson alichanganyikiwa, alimwangalia kwa nyuma, wowowo lake lilikuwa likicheza na wakati mwingine kama lilitaka kudondoka.
Akamchukua na kumpeleka kitandani, pale, wakaanza kuongea, kichwa cha Dickson kilikuwa kikifikiria ngono tu, alitamani kumlalia Amina na kuanza kufanya naye mapenzi. Walizungumza kwa dakika chache, Dickson akashindwa kuvumilia, akaanza kumshika Amina huku na kule.
Kwa kuwa ulikuwa ni mchezo, akaanza kujikatalisha, kila alipoguswa, alikataa lakini Dickson akashindwa kumuacha. Amina alijua kuigiza, alikuwa akijifanya kukataa kataa lakini Dickson hakutaka kumuacha.
“Bebi! Nifikishe kileleni kwanza,” alisema Amina huku akimwangalia Dickson, mikono yake ni kama ilikuwa ikiendelea kukataa kufanya mapenzi na mwanaume huyo.
“Kivipi?”
“Nipige vibao, nipige vibao shavuni, humo ndipo zilipokuwa,” Alisema Amina huku akiendelea kumzuia Dickson kumtoa taulo lile.
Hilo halikuwa geni kwa Dickson, aliwahi kukutana na wanawake ambao walikuwa na stimu kila kona, wengine videleni, wengine mikononi, wengine sikioni, hata alipoambiwa kwamba ampige vibao vya shavu akaanza kumpiga.
Amina aliumia lakini hakuwa na jinsi, hilo ndilo lilikuwa lengo lake, alipopigwa, akaacha kumzuia, akajilaza na kumwachia Dickson afanye lolote lile alilolitaka.
Walifanya huku Amina akiendelea kujifanya kama anakataa, siku hiyo hakuonyesha ushirikiano wowote ule kwa kuwa kamera ilikuwa ikiendelea kuchukua video.
Dickson alipomaliza, akaondoka na kwenda kuoga na huku nyuma Amina akaichukua kamera na kuizima.
Hiyo ilikuwa siku ya kwanza, akamfuata Linda na kumwambia kwamba alifanikiwa na hivyo kumpa ile kamera na kumuonyeshea jinsi ilivyokuwa.
“Safi sana! Chukua hii,” alisema Linda huku akimpa bahasha ya kaki iliyokuwa na pesa.
Walimalizana na kila mtu kuondoka zake. Kwa Amina, hakutaka kumuacha Dickson, kwake, mwanaume huyo alikuwa mzuri kupita kawaida. Alipoachana na Linda, haraka sana akamtafuta Dickson na kuanza kuongea naye.
“Upo wapi?” aliuliza Amina.
“Njiani naelekea chuo.”

“Naomba utafute chumba, nataka kuja kukuonyeshea ushirikiano mpaka ushangae,” alisema Amina.
“Kweli?”
“Niamini!”
Japokuwa alikuwa akielekea chuo, akakata kona na kuanza kutafuta hoteli. Hakuchukua muda akaipata moja na kuchukua chumba na kumuelekeza Amina kwenda kule.
Alipofika, akamuulizia na kuruhusiwa. Muda huo ndiyo walifanya mapenzi ambayo Amina alikuwa akiyataka, alimvuruga Dickson kiasi kwamba hakuona kama kungekuwa na mwanamke mwingine wa kumtenganisha na Amina kwani alijua kuzichezea nyonga zake kupita kawaida.
Walipomaliza, wakapumzika, siku hiyo Dickson hakurudi chuo, akabaki hotelini na msichana huyo mpaka siku iliyofuata.
Kwa usiku mzima, Nandy alikuwa akipiga simu lakini hakuwa akipokea, aliiangalia tu na kuipuuzia lakini kwa wakati huo mtu aliyekuwa akimfikiria alikuwa Amina tu.
Asubuhi ya siku hiyo, wakarudia tena, mchana, wakafanya tena na kisha kuagana. Moyo wake ukaridhika, kufanya mapenzi na msichana huyo kulimfanya kujisikia furaha kupita kawaida.
Ilipofika saa kumi na mbili jioni, Nandy akampigia tena simu. Kitendo cha kuiona namba ile, moyo wake ukapiga paaa! Hakuamini kama zilipita siku tatu hakuwa amepokea simu ya msichana huyo, akajisikia hukumu nzito moyoni mwake, maumivu aliyoyasikia yalimshangaza, akabaki akitetemeka, hapohapo akaipokea.
“Dickson!” aliita Nandy, sauti yake haikuwa vigumu kugundua kwamba alikuwa amechanganyikiwa.
“Ndiyo mpenzi!”
“Mbona nimekupigia sana simu na hukuwa ukipokea? Kuna nini?” aliuliza Nandy.
“Nani? Mimi?”
“Dickson! Kwani naongea na nani hapa?”
“Niliibiwa simu!”
“Uliibiwa simu? Unanidanganya!”
“Sikudanganyi! Niliibiwa simu mpenzi!”
“Unanidanganya Dickson, unanidanganya,” alisema Nandy na kukata simu.
Dickson alichanganyikiwa mno, moyoni mwake kukawa kunasikika sauti zaidi ya moja zikimlaumu kwa kumwambia kwamba alifanya kosa kubwa mno kumsaliti Nandy ambaye alijitolea kwa mapenzi ya dhati kuwa naye.
Dickson alikuwa akitetemeka, kijasho chembamba kikaanza kumtoka. Ilikuwa ni lazima kuonana na Nandy kwani aliamini kwamba endapo asingeonana naye basi hali ingekuwa mbaya zaidi.

NAMTAKA MPENZ WANGU ARUDI SEHEMU YA 9


Akaondoka hosteli na kuelekea nyumbani kwa akina Nandy, alipofika, akapaki gari lake na kuingia ndani. Akamkuta Nandy akiwa peke yake, alikuwa kwenye meza ya kujisomea huku akisoma Biblia.
Machozi yalikuwa yakimtoka na kutiririka mashavuni mwake. Alijiona akipitia katika kipindi kigumu kupita kawaida. Akaanza kuyasikia maumivu ya mapenzi ambayo alizoea kuyasikia yakizungumziwa na watu wengine.
Alitamani kujiua, alitamani kuondoka nyumbani na kukimbilia sehemu ambayo kusingekuwa na mtu yeyote yule ambaye angempata.
Dickson akamsogelea mahali pale, akamkumbatia. Japokuwa Nandy alikuwa na hasira, moyo wake ulikata tamaa, akajikuta akiitanua mikono yake na kumkumbatia Dickson huku akilia kama mtoto mdogo.
“Naomba unisamehe mpenzi,” alisema Dickson, naye kwa jinsi moyo ulivyokuwa ukiuma kwa kumsaliti msichana huyo mrembo, akajikuta akianza kulia.
“Why are you doing this to me?” (kwa nini unanifanyia hivi?) aliuliza Nandy.
“I am sorry! Forgive me hubby,” (Samahani! Nisamehe mpenzi) alisema Dickson.
Alimuahidi mpenzi wake huyo kwamba kamwe asingemuumiza, asingemdanganya, kitendo cha kuvunja ahadi yake kiliufanya moyo wake kuwa na maumivu makali kupita kawaida.
Aliendelea kumuomba msamaha lakini hakumwambia ni msamaha kwa jambo gani baya alilokuwa amelifanya. Waliendelea kukumbatiana kwa dakika kadhaa, wakaachiana.
“Kulikuwa na nini?” aliuliza Nandy huku akimwangalia mwanaume huyo.
“Simu yangu iliibiwa chuoni, kwa siku mbili, leo ndiyo nimeletewa baada ya jamaa kuiiba halafu akawa hajaizima, hivyo nilitumia GPS kuitafuta mpaka kufanikiwa,” alisema Dickson, japokuwa alikuwa akidanganya lakini ilikuwa ni vigumu kugundua kama alikuwa akidanganya.
“Nandy! Ninakupenda mpenzi! Ninataka nikuoe, ninataka uwe mke wangu! Naomba uniahidi kitu kimoja, utakuwa tayari tuoane na kuishi pamoja?” aliuliza Dickson.
“Ndiyo! Nakupenda pia mpenzi,” alisema Nandy ambaye alionekana hajiwezi kwa mwanaume huyo.
Wakakumbatiana tena. Moyo wa Nandy ulikuwa na furaha kupita kawaida. Huku wakiwa katika hali hiyo, simu ya Dickson ikaanza kuita, akaichukua simu hiyo, macho yake yakakutana na namba ngeni, akaipokea, akashtuka alipoisikia sauti ya Linda.
“Dicky! Ninahitaji kuonana nawe! Kuna jambo nataka tuzungumze,” alisema Linda.
“Jambo gani?”
“Kuhusu kesi yako!”
“Kesi yangu! Kesi gani?” aliuliza Dickson huku akionekana kushtuka.
“Kesi ya ubakaji!”
“Hebu subiri kwanza!” alisema Dickson, akakata simu na kumwangalia Nandy huku akionekana kuogopa.
“Kuna nini bebi?” aliuliza Nandy.
“Kuna tatizo!”
“Tatizo gani?”
“Kuhusu kesi ya simu hii! Hebu subiri nikalimalize hili tatizo,” alisema Dickson huku akionekana kushtuka.
Hakutaka kubaki mahali hapo, kile alichoambiwa kilimchanganya mno. Akamuaga Nandy na kuondoka mahali hapo, akaingia ndani ya gari na kupotea.
Njiani alikuwa na mawazo, hakujua ishu ya ubakaji aliyokuwa ameizungumzia Linda, alipofika njiani, akasimamisha gari na kumpigia simu Linda.
“Nimebaka! Nimembaka nani?” aliuliza Dickson.
“Kuna msichana anakufungulia kesi, umembaka hotelini!”
“Yupi?”
“Subiri,” alisema Linda, hapohapo akamtumia video waliyokuwa wamefanya mapenzi kwa mara ya kwanza.
Kwa jinsi ilivyoonekana, ilikuwa ni rahisi kuonekana kama alikuwa akimbaka, kwa jinsi Amina alivyokuwa akijifanya kukataa kufanya mapenzi, kwa jinsi alivyokuwa akimpiga vibao, ilionekana kama alikuwa akilazimisha penzi na mbaya zaidi video hiyo ilitolewa sauti.
“Mungu wangu! Amina!” Alisema Dickson kwa mshtuko, alipojaribu kumpigia simu msichana huyo, haikuwa ikipatikana na wakati akijiuliza kuhusu jambo hilo, akatumiwa ujumbe mfupi na Linda uliosomeka: “Nitahakikisha mpaka unafungwa gerezani miaka thelathini ushike adabu ya kuwadhalilisha wanawake kingono”
Dickson akaogopa.

Mapigo ya moyo wa Dickson yalikuwa juu, hakuamini kile alichokiangalia kwamba alikuwa na msichana chumbani na kuanza kumbaka. Hapo ndipo alipogundua kuwa siku ya kwanza Amina kumpigia simu hakumpigia kwa bahati mbaya na kumuulizia rafiki yake, Ashura bali alipiga kwa makusudi na alimjua kabisa mtu aliyekuwa akimpigia.
Alipigwa na butwaa, kila alipokuwa akiiangalia video ile alionekana kabisa alikuwa akimbaka Amina kwani hakutulia, ni kama alikuwa akimzuia kufanya kitendo kile, tena na vile vibao alivyokuwa amempiga ndiyo kabisa vilimchanganya.
Hakutaka kuliacha suala hilo hewani, akampigia simu Amina, msichana huyo alipopokea tu, kitu cha kwanza kilikuwa ni kumshutumu kwa kile alichokifanya kwamba hakikuwa cha uungwana kwani walikubaliana na hakumbaka kama video zile zilivyoonyesha.
“Amina! Mimi nilikubaka wewe?” aliuliza Dickson huku akionekana kuchanganyikiwa.
“Nani?”
“Si naongea na wewe,” alisema Dickson huku akionekana kuwa na hasira kupita kawaida.
Amina hakujibu swali hilo, akakata simu. Dickson hakukubalia, akampigia tena, haikupokelewa, hakukoma, alimpigia zaidi na zaidi, haikupokelewa na mbaya zaidi simu ikazimwa.
Hiyo ndiyo ikaonekana kuwa sababu kwa Linda kuanza kumsumbua Dickson, alimwambia kwamba amekwisha kwani ile video angeipeleka polisi na ingetumika kuwa kama ushahidi kwa kile kilichotokea.
Dickson akaanza kuomba msamaha kwani aliamini kwamba kama Linda angeipeleka video ile katika kituo cha polisi na msichana huyo kupelekwa kituoni, basi kesi ingekuwa kubwa na angeweza kufungwa gerezani.
“Linda, unataka nini kwangu?” aliuliza Dickson, alionekana kuchanganyikiwa.
“Kwa nini umenisaliti?” aliuliza Linda.
“Sikukusaliti!”
“Kumbe umefanyaje?”
“Mbona nipo kawaida tu mpenzi! Sijakusaliti!” alisema Dickson.
“Nataka unijibu swali moja, unanipenda?”
Dickson akaa kimya kwa sekunde kadhaa, hilo lilikuwa swali gumu sana kumjibu msichana huyo. Moyoni mwake, hakuwepo kabisa lakini alihisi kabisa kwamba kama angemwambia ukweli kuwa hakuwa akimpenda basi video ile ingefika katika kituo cha polisi na hivyo kupelekwa mahakamani.
Hakuwa na jinsi, ni kama alikamatwa na kufungwa sehemu, swali hilo likajibika kirahisi sana kwamba kweli alikuwa akimpenda kwa moyo wa dhati na hakukuwa na mwanamke mwingine zaidi yake.
“Nakupenda,” alijibu Dickson, jibu ambalo lilionekana kama kulazimishwa.
“Nataka unioe,” alisema Linda.
“Unasemaje?”
“Si umesema unanipenda, nataka unioe,” alisema Linda.
“Linda!”
“Basi subiri niipeleke hii video polisi halafu wao utajua cha kuwaeleza,” alisema Linda.
Dickson akatishika, moyo wake uliogopa, hakukuwa na kitu alichokuwa akikiogopa kama gereza. Alimuomba sana msamaha Linda na kumwambia kwamba angefanya lolote lile lakini kile kilichokuwa kimetokea kiendelee kuwa siri na ikiwezekana baada ya harusi video zifutwe.
Walizungumza mambo mengi, japokuwa Dickson hakuwa akipenda kuzungumza na msichana huyo lakini hakuwa na jinsi, alikubaliana naye ingawa moyo wake haukuwa kwa msichana huyo hata kidogo.

NAMTAKA MPENZ WANGU ARUDI SEHEMU YA 10


Kuanzia muda huo Dickson hakuwa na furaha tena, moyo wake ulikuwa na huzuni tele, aliamini kwamba kila kitu kilichokuwa kimetokea kilikuwa kimepangwa, hakutaka kukubali, ilikuwa ni lazima kuzungumza na Amina amwambie ni kitu gani kilikuwa kikiendelea, alipompigia simu msichana huyo, akaambiwa kwamba namba ilikuwa imefungiwa.
Akawa na mawazo tele, tamaa zake zilimkosesha furaha, tamaa zake zilimfanya kujuta kwani kwa kile kilichotokea kilikuwa ni kitu kibaya, cha kipumbavu ambacho alijiahidi hatokuja kukifanya tena maishani mwake.
Alipokutana na Nandy, hakumwambia ukweli, alikuwa mnyonge mno na msichana huyo alipomuuliza, alimwambia kwamba alikuwa akiumwa lakini hakukuwa na jambo baya lolote lile.
Linda alikisumbua kichwa chake, hakumpenda, msichana ambaye alitamani kumuoa maishani mwake hakukuwa na mwingine zaidi ya Nandy ambaye aliamini kwamba alikuwa akimpenda kwa moyo wa dhati.
Siku zikakatika, Linda hakutaka mambo hayo yaishe, akamwambia Dickson kwamba alitaka kuonana naye, kweli wakaonana na kuanza kuzungumza. Ni kama Dickson alikuwa ametegwa, kila alichoambiwa alikuwa akikubaliana na msichana huyo kwa sababu tu alikuwa na kitu ambacho kingehatarisha maisha yake.
Video zile ziliendelea kutumika kama silaha ya kulipata penzi la mwanaume huyo. Hakutaka kuishia hapo, alichokifanya ni kwenda kuwalipa polisi kiasi kikubwa cha pesa na kuwaambia kwamba walitakiwa kujifanya kama wanafahamu kuhusu Dickson na hivyo kutakiwa kumkamata.
Hilo likafanyika, siku moja Dickson akiwa chuoni alifuatwa na polisi na kuanza kuzungumza nao. Ilikuwa vigumu kugundua kama polisi hao walikuwa wametumwa, walizungumza na Dickson na kumwambia kuhusu kilichokuwa kikiendelea.
Kijana huyo akaogopa, mapigo yake ya moyo yalikuwa yakidunda kwa nguvu na kuona kabisa kwamba huo ndiyo ungekuwa mwisho wake. Wakamchukua, wakamfunga pingu na kuondoka naye.
Njiani walikuwa wakizungumza naye, Dickson alilia, macho yake yalikuwa mekundu, hakuamini kama alikuwa akienda polisi na mwisho wa siku kufungwa gerezani kwa kesi ya kubaka.
Aliomba msamaha sana lakini hakukuwa na mtu aliyemsikiliza. Walichukua dakika kadhaa wakafika polisi na kumuweka rumande. Humo ndani alikuwa mtu wa kulia tu, hakuamini kile alichokuwa akipitia kwamba mwisho wa siku alikuwa njiani kwenda gerezani, moyo wake ulimuuma, aliendelea kuomba msamaha mpaka pale alipoambiwa kwamba alitakiwa kutolewa kwa kuwa kuna mtu alikuja kumuwekea dhamana.
Hakujua ni mtu gani, akatoka mahabusu na kwenda kaunta, macho yake yakagongana na macho ya Linda aliyekuwa kwenye sura ya huruma, akamsogelea na kumkumbatia.
Kitendo cha kukaa kwa saa mbili tu mahabusu alichanganyikiwa, aliiona dunia kuwa mpya kabisa, maisha ya mahabusu hayakuwa mchezo, yalimvuruga na kupata picha ya maisha ya gerezani kama tu angekwenda huko.
“Hii ni kesi kubwa sana Dickson, ila nitaizima baada ya kufunga ndoa,” alisema Linda huku akimwangalia mwanaume huyo.
“Kweli?”
“Niamini! Nilikuwa na hasira sana na wewe. Yule msichana alikuja kufanya mapenzi na wewe kwa lengo la kukukomoa, alikurekodi na mwisho wa siku akanitumia video na kusema kwamba lazima akufunge, kwa kuwa nilikuwa na hasira, nikaamua kumuunga mkono, lakini mwisho wa siku nimegundua kwamba wewe ni mwanaume wa kweli, uliyekuwa moyoni mwangu, hakika nitakuwa nawe bega kwa bega kukusaidia,” alisema Linda.
Alipokuwa akiongea hayo, machozi yalikuwa yakitiririka mashavuni mwake, alijifanya kuumia mno, hakutaka kumwambia Dickson kwamba kila kitu kilichokuwa kimetokea kilikuwa ni mpango wake.
Moyo wa Dickson ukabadilika na hatimaye kuamua kwa moyo mmoja kuwa na msichana huyo kwa lengo la kufuta ile kesi ambayo ilionekana kuwa mbaya zaidi kwa upande wake.
Kitu pekee kilichokuwa kikimuumiza kichwa kilikuwa ni Nandy, hakujua ni kwa jinsi gani angemwambia msichana huyo kwamba hakutaka kuwa naye tena, alimpenda kwa moyo wake lakini aliona kabisa kwamba kungekuwa na ugumu mkubwa mno kumwambia ukweli.
Akapiga moyo konde, alichokuwa akikiangalia kilikuwa ni maisha yake tu. Mapenzi yalikuwepo, aliamini kwamba hata kama angempoteza msichana aliyekuwa akimpenda, bado mwingine angekuja mikononi mwake.
Akampigia simu Nandy na kumwambia kwamba alitaka kuzungumza naye. Hilo halikuwa tatizo, tena kwa msichana kama Nandy ambaye kila siku alikuwa akimfikiria mpenzi wake, akawa tayari kuzungumza na mwanaume huyo.
Wakapanga sehemu ya kuonana, ndani ya saa moja wakawa katika Mgahawa wa Karambezi na kuanza kuzungumza. Muda wote huo Nandy alikuwa kwenye sura ya tabasamu, kwa maisha yaliyokuwa yakiendelea na mpenzi wake huyo yalimtia hofu na kuhisi kwamba ndiyo ungekuwa mwisho wake kuwa na mwanaume huyo.
Baada ya kuonana hapo, akawa na uhakika kuwa penzi lao lilikuwa likiendelea kama kawaida na si kama vile ambavyo alikuwa amehisi.
Alitabasamu, hakujua kile ambacho angeambiwa na mwanaume huyo mahali hapo. Wakati yeye akiwaza penzi kunoga, kichwa cha Dickson kilikuwa kikifikiria kumwambia msichana huyo kwamba walitakiwa kuachana kwani alimpata msichana mwingine ambaye alitakiwa kumuoa.
Hakujua msichana huyo angeumia vipi, hakujua msichana huyo angejisikiaje, alichokuwa akikihitaji ni kumwambia ukweli tu ili kuepusha kesi nzito iliyokuwa mbele yake.
“Nandy!” aliita Dickson huku akimwangalia msichana huyo.
“Ndiyo mpenzi! Kwanza naomba uniambie ukimya wako, tatizo nini?” aliuliza Nandy huku akimwangalia Dickson kwa jicho lililoonyesha mapenzi yote yaliyokuwa moyoni mwake.
“Ni kama nilivyokwambia…”
“Nina habari njema.”
“Ipi?”
“Nimechaguliwa kujiunga na Chuo Kikuu cha Dar es Salaam, natumaini tutakuwa wote kuanzia mwezi ujao,” alisema Nandy huku akionekana kuwa na furaha isiyo kifani, badala ya kufurahia, Dickson akahuzunika zaidi.

NAMTAKA MPENZ WANGU ARUDI SEHEMU YA 11


“Tatizo nini mpenzi? Kuna kitu gani kinaendelea?” aliuliza Nandy, aliishangaa hali aliyokuwanayo mpenzi wake huyo.
Dickson akabaki kimya, machozi yakaanza kumtoka na kutiririka mashavuni mwake. Aliumia mno, Nandy alibaki akishangaa, hakujua kilichokuwa kikiendelea kwa mpenzi wake huyo.
Alimbembeleza na kumwambia amwambie ukweli juu ya kilichokuwa kikiendelea mpaka kuwa katika hali ile lakini Dickson hakusema kitu zaidi ya kuendelea kulia tu.
Alikuwa kwenye hali hiyo kwa dakika kumi nzima, akajifuta machozi na kumwangalia Nandy tayari kwa kumwambia kile kitu alichokuwa amemuitia.
“Nandy!” alimuita msichana huyo.
“Nipo hapa mpenzi!”
“Kwanza naomba unisamehe sana, najua kuna siku utajua ukweli wa kila kitu, ila naomba unisamehe sana,” alisema Dickson, akanyamaza, akaangalia chini, aibu nzito ikautawala uso wake.
“Kuna nini? Unanitisha!”
“Nisamehe kwa kukupoteza muda wako!”
“Niambie kuna nini,” alisema Nandy, akaanza kuogopa.
“Sistahili kuwa mume wako! Sistahili Nandy,” alisema Dickson na kuanza kutokwa tena na machozi.
Moyo wa Nandy ukapiga paa, hakuamini alichokisikia, alimwangalia Dickson, alihitaji kuona kama kijana huyo alikuwa akimaanisha alichokuwa akimwambia au la.
“Unasemaje?”
“Naomba tuachane, naomba unisamehe kwa kukupotezea muda wako. Nahitaji kuwa huru, ninahitaji kuwa na furaha maisha yangu, najua kuna siku utakuja kujua kila kitu, ila naomba tuachane Nandy, ukipata mwanaume mwingine wa kukuoa, acha akuoe, ila naomba unisahau, naomba usahau kila kitu kuhusu mimi,” alisema Dickson kwa sauti ndogo.
Nandy alichanganyikiwa, alimwangalia Dickson mara mbili-mbili, hakuamini alichokuwa akikisikia. Yeye mwenye machozi yakaanza kumtiririka, alihisi kama alikuwa ndotoni ambapo baada ya muda fulani angeamka na kujikuta akiwa kitandani.
Dickson yuleyule aliyekuwa amemwambia kwamba anampenda, Dickson yuleyule aliyemthamini na kumruhusu autoe usichana wake ndiye ambaye alikuwa mbele yake na kumwambia kwamba waachane.
Alihisi kichwa kumuuma, alihisi kitu chenye ncha kali kikiuchoma moyo wake, pale alipokuwa akaanza kutetemeka, japokuwa mgahawa huo ulikuwa ufukweni tena wakipigwa na upepo mkali wa baridi, akaanza kutiririkwa na kijasho chembamba.
“Dickson…” aliita Nandy.
“Naomba uniache Nandy! Sistahili kuwa mume wako,” alisema Dickson, hakutaka kubaki mahali hapo, akasimama na kuanza kuondoka.
Nandy akasimama pia, akaanza kumfuata Dickson huku akimuita. Kila mtu aliyekuwa hapo akabaki akishangaa, ilikuwa sehemu tulivu, kulikuwa na wapendanao ambao walikuwa wakiongea mambo yao lakini kelele za kuita za Nandy zilimshtua kila mtu mahali hapo.
“Dickson….Dickson…” aliita, Dickson akapotea machoni pake, akashindwa kusonga mbele, akahisi miguu yake ikikosa nguvu, kizunguzungu kikamuanza, hakupiga hatua zaidi, hapohapo akaanguka na kupoteza fahamu. Hakujua ni kitu gani kiliendelea baada ya hapo.

Nandy alipata fahamu akiwa hospitalini, akayafumbua macho yake na kuangalia huku na kule, hakujua mahali alipokuwa lakini baada ya kuona dripu iliyokuwa ikining’inia juu yake, haikuwa ngumu kugundua kwamba alikuwa hospitalini.
Akaanza kufikiria ni kitu gani kilitokea mpaka kufika mahali hapo. Alichokumbuka ni kwamba alikuwa na mpenzi wake, Dickson, walikuwa wakizungumza lakini mwanaume huyo alimwambia kwamba hakutaka kuwa naye tena kwa sababu alikuwa amepata mwanamke mwingine.
Hapohapo kitandani alipokuwa, akaanza kulia, hakuamini kama yeye ndiye aliyeambiwa hivyo na mwanaume huyo aliyekuwa akimpenda, mwanaume aliyemuona kuwa kila kitu kwake, mwanaume ambaye alikuwa ndoto ya maisha yake, mwanaume ambaye alipanga kuwa mume wake hapo baadaye.
Moyo wake uliuma mno, pale kitandani alipokuwa, akaanza kulia, maumivu hayakupungua, yalizidi, baada ya dakika chache, nesi mmoja akafungua mlango na kuingia ndani.
Alipomuona Nandy analia kitandani pale, akamsogelea na kuanza kumbembeleza kwa kumtaka kunyamaza. Hakunyamaza kwani kila alipokuwa akiikumbuka sura ya Dickson alizidi kulia.
“Kwa nini Dickson ameniacha? Kwa nini amepata mwanamke mwingine? Kwa nini? Kwa nini ameniacha?” aliuliza Nandy huku akilia.
Hazikupita dakika nyingi baba yake, mzee Gwamaka akaingia ndani ya chumba hicho, alipomuona binti yake, akauinamisha uso wake chini, maumivu aliyosikia moyoni mwake yalikuwa makubwa mno.
Akamsogelea na kuanza kumbembeleza, alijua kwamba binti yake alipoteza fahamu alipokuwa akizungumza na mwanaume, hakujua mwanaume huyo alikuwa nani kwani wale waliokuwa wamempigia simu na kumpa taarifa hawakumwambia kitu chochote kile zaidi ya hali aliyokuwanayo binti yake.
Nandy alipomuona baba yake, kilio kikazidi, mzee Gwamaka akasogelea kitanda kile na kukaa karibu ya binti yake huyo ambaye alibaki akilalamika kwa kutaka kujua tatizo lilikuwa nini mpaka Dickson kumuacha.
Mzee Gwamaka aliposikia hilo, akazidi kuumia, hakutaka kabisa kumuona mwanaye akiingia kwenye uhusiano wa kimapenzi kwa kuwa aliamini kwamba kuna siku angeumia sana, alitamani binti huyo aendelee kukaa peke yake lakini baada ya Dickson kutokea na kumuonyeshea uaminifu mkubwa, akamruhusu kuwa karibu na binti yake.
Mvulana huyohuyo aliyemwamini ndiye aliyekuja kumuumiza binti yake na kumliza kitandani hapo. Hakuamini, alijilaumu na wakati mwingine kujiona akiwa amefanya kosa kubwa mno.
Hakutaka kubaki na maumivu, alipotoka hospitalini hapo breki ya kwanza ilikuwa ni nyumbani kwa wazazi wa Dickson, alipofika, akaanza kuwaambia kilichokuwa kimetokea.
“Haiwezekani! Dickson hawezi kumuacha Nandy,” alisema mama yake huku akimwangalia mzee Gwamaka.
“Amemuacha, na hata alipopoteza fahamu, hakutaka kujali, akaondoka zake. Kwa nini kijana wenu amefanya hivi?” aliuliza mzee Gwamaka huku akionekana kuwa na hasira mno.
Wazazi wa Dickson hawakutana kubaki nyumbani walichokuwa ni kwenda mpaka hospitalini kwenda kujua ukweli kama kile alichokizungumza mzee Gwamaka kilikuwa kweli au la.
Walipofika huko na kuonana na Nandy, akawahadithia kilichokuwa kimetokea, hawakuamini, walimfahamu Dickson, alikuwa na mapenzi ya dhati kwa Nandy kiasi kwamba kwao lilionekana kuwa jambo lisilowezekana hata kidogo kwa mtoto wao kumuacha Nandy.
Wazazi wake hawakutaka kusubiri, walichokifanya ni kumpigia simu kijana wao kwa lengo la kutaka kumsikia akizungumza hayo kwa mdomo wake. Walipompigia simu, aliwaambia kama alivyomwambia Nandy kwamba hakutaka kuwa naye kwani alipata msichana mwingine ambaye alipanga kumuoa.
“Una akili Dickson?” aliuliza baba yake kwa hasira swali ambalo hakupanga kuliuliza hata siku moja.
“Moyo baba! Siwezi kumuoa msichana ambaye moyo wangu haupo kwake, naomba mniache, kama ambavyo hakukuwa na mtu aliyekuchagulia mama, na mimi naomba msinichagulie,” alisema Dickson na kukata simu.
Walichanganyikiwa, kile walichoambiwa na Dickson hakikuwaingia akilini kabisa. Hawakutaka kubaki hospitalini hapo, wakaondoka kurudi nyumbani kwao.
Njiani, walikuwa wakizungumza mambo mengi kuhusu kijana wao. Alibadilika ghafla, hakukuwa na mtu ambaye aliamini kama angeweza kuchukua uamuzi kama huo ambao ulionekana kuwa wa ghafla sana.
Kwao ilikuwa ni aibu nzito, wakati mwingine walijiona kama takataka kwa mzee Gwamaka ambaye alimwamini kijana wao kwa asilimia mia moja kwamba angeweza kumuoa Nandy.
Wakati wao wakifikiria kuhusu uhusiano huo, Dickson alikuwa bize na Linda, muda wote alikuwa na msichana huyo ambaye alionekana kuwa na furaha tele.
Walikuwa wakiyafurahia mapenzi, kwa Dickson moyo wake ulikuwa tofauti kabisa, alifanya kile alichokitaka msichana huyo kwa kuwa aliogopa kupelekwa polisi kwa kosa la kumbaka Amina chumbani.
“Nataka tukale fungate nchini Ufaransa, kuna hoteli moja nzuri sana inaitwa La Petit, kama tukienda kule, natumaini itapendeza sana,” alisema Linda huku akimwangalia Dickson.
Kwa kumwangalia tu lisingekuwa jambo jepesi kugundua kwamba tabasamu lile alilokuwa akilionyesha usoni mwake lilikuwa tofauti kabisa na moyo wake. Alimchukia msichana huyo kwa nguvu zote lakini hakuwa na jinsi.
Baada ya kukaa kwa kipindi cha wiki moja, Linda akalilia kwenda kutambulishwa kwa wazazi wa Dickson kwa kuwa alikuwa na malengo naye.
Dickson akawa na hofu, hakujua wazazi wake wangempokeaje kwani walimpenda Nandy kuliko msichana mwingine yeyote yule.
Kabla ya kwenda huko akawapigia simu wazazi wake na kuwaambia kwamba alikuwa njiani kwenda kuwatambulisha mchumba wake ambaye angefunga naye pingu za maisha.
Japokuwa wazazi hao walikuwa na hasira lakini katika suala kama hilo wakaituliza mioyo yao na kukubaliana na mtoto wao kwa uamuzi aliokuwa ameuchukua.
“Una uhakika huyo ni msichana wako wa dhati?” aliuliza baba yake, alitaka kufahamu kabisa kama kijana wake aliamua kwa moyo mmoja au alilazimishwa.
“Nimeamua baba! Huyu ni mwanamke wangu wa ndoa!”
“Una uhakika?”
“Ndiyo!”
“Na anakupenda?”
“Ndiyo baba!”
“Na wewe unampenda?”
“Kupita maelezo!”
“Sawa.”
Wakaelekea nyumbani kwao na walipofika huko, akaonana na wazazi wake huku akiwa na Linda na kuanza kuzungumza naye. Aliwaambia kwamba huyo ndiye alikuwa mchumba wake ambaye alitaka kufunga naye ndoa.
Hakuishia hapo, aliwahadithia maisha yao tangu zamani, jinsi walivyokuwa wamesoma wote, kupendana na hata msichana huyo alipoondoka kwenda Ulaya kusoma.
Hilo likawafanya wazazi wake kuhisi kwamba kweli Dickson alikuwa akimpenda msichana huyo, walichokifanya ni kukubaliana naye na kutoa baraka zote kama wazazi japokuwa mioyo yao haikumkubali Linda hata kidogo na walihisi kulikuwa na kitu kilichokuwa kikiendelea ambacho Dickson hakutaka kuwaambia.
“Na mmepanga kuoana?” aliuliza mama yake.
“Ndiyo mama! Tunatarajia kufunga ndoa baada ya miezi miwili,” alisema Dickson maneno yaliyowashtua.
“Miezi miwili?”
“Ndiyo!”
“Mbona haraka sana?”
“Kwa sababu tumeamua, tumeishi sana maisha ya ujana, wasije wakatokea akina Nandy wengine,” alisema Dickson.
“Sawa. Haina shida. Tunawatakia maandalizi mema,” alisema baba yake.

NAMTAKA MPENZ WANGU ARUDI SEHEMU YA 12


Nandy alikuwa na maumivu makali moyoni mwake, hakuamini kile kilichotokea kwamba mpenzi wake, Dickson alikuwa amemuacha na kumchukua mwanamke mwingine.
Kila siku alikuwa mtu wa kulia tu, hakuamini kama kweli yeye ndiye aliyekuwa akipitia maisha hayo. Wakati mwingine alipiga magoti na kumuomba Mungu msamaha, alihisi kwamba hayo ndiyo yalikuwa matokeo yake ya kuchanganya mambo ya kidunia na kiroho.
Hakuwa na furaha, hata alipokuwa akienda kanisani na kuimba mbele ya kanisa, alionekana kabisa kutokuwa na furaha hata kidogo.
Hali yake ikazua maswali mengi, wengi wakataka kufahamu sababu ya msichana huyo kubadilika ghafla lakini hakukuwa na mtu yeyote yule aliyegundua kitu chochote kile.
Kilichotokea kilikuwa siri yake na baba yake. Japokuwa aliumizwa na Dickson lakini moyo wake haukuwahi kumchukia kijana huyo, alimpenda, yeye ndiye aliyemuonyesha jinsi dunia ya mapenzi yalivyo, ndiye mwanaume aliyemvua nguo yake na kufanya mapenzi kwa mara ya kwanza.
Aliyakumbuka maisha yaliyopita aliyoishi na Dickson, moyo wake uliumia mno na wakati mwingine alijiahidi kuwachukia wanaume, kuyachukia mapenzi lakini kitu cha ajabu kabisa alishindwa kabisa kumchukia Dickson.
Siku zikaendelea kukatika, moyo wake uliamini kwamba mwanaume huyo angerudi tena kwake na kuanza kuyapanga mambo yao kwa mara nyingine lakini hilo lilishindikana.
Alitamani kuifuata namba ya mwanaume huyo katika simu yake, alijaribu kufanya hivyo lakini alishindwa kabisa, kila alipotaka kuifuata, kwanza aliiandika pembeni, alipoifuta baadaye akaisevu tena.
Yalikuwa ni maisha ya mateso makubwa, mapenzi yalimuendesha kupita kawaida. Siku zilizidi kukatika. Kwa kumuonyeshea Linda kwamba alikuwa akimpenda, Dickson akawa anaweza status za mapenzi kwenye Mtandao wa WhatsApp, akawa anaweka picha nyingi akiwa na msichana huyo kitu ambacho kilimuumiza sana Nandy.
Mwili wake ukadhoofika, alikonda kutokana na mawazo aliyokuwanayo. Wengi walimjadili na kuhisi kwamba alikuwa mgonjwa lakini zaidi ya kukonda hakuwahi kwenda hospitalini.
Kila siku kazi yake ikawa ni kumuomba Mungu tu, alimwambia kwamba alitamani kuyabadilisha maisha yake, kitu cha kwanza alichohitaji Mungu akifanye kilikuwa ni kuubadilisha moyo wake, amuondoe Dickson moyoni mwake na kuliweka neno lake, mistari mingi ya Biblia ambayo aliamini kwamba ingembadilisha lakini hilo lilishindikana.
Baada ya kumalizika mwezi mmoja, akatumiwa ujumbe na Dickson kwamba alitarajiwa kufunga ndoa na Linda hivyo alitakiwa kuhudhuria harusi hiyo ambayo ingefungwa katika Kanisa la Mtakatifu Yehova lililokuwa Mwenge, jijini Dar.
Ulikuwa ni ujumbe wenye kuuma sana, siku hiyo alilia zaidi ya alivyolia siku alipoachwa na mwanaume huyo. Akajifungia chumbani, alihitajika kwenda kanisani kwa ajili ya mazoezi ya kwaya lakini akashindwa kabisa kutokana na maumivu aliyokuwanayo kipindi hicho.
Kwake, hayo yote yalionekana kuwa majaribu makubwa. Hata alipoanza kwenda chuo, hakuona raha ya kusoma kwa kuwa alikuwa akimuona sana Dickson huko kitu kilichomfanya kuumia mno.
“Mungu! Siwezi kuishi! Nimeshindwa, nimeshindwa Mungu! Maumivu yamenizidi,” alisema Nandy.
Hakuona sababu ya kuendelea kuishi tena, kama kuumia, aliumia kupita kawaida, alichokuwa amekifikiria kilikuwa ni kujimaliza tu.
Kichwa chake kikafikiria sehemu ambayo angeweza kujimaliza vizuri, kilichokuja kichwani mwake kilikuwa ni kwenda katika Ghorofa la LAPF lililokuwa Makumbusho, apande mpaka juu kabisa na kujirusha.
Alipopata wazo hilo, hakutaka kubaki chuoni, akatoka, akachukua bodaboda na kumwambia dereva ampelekea Makumbusho.
Safari ikaanza, njiani alikuwa akimuomba Mungu msamaha kwa uamuzi aliokuwa ameuchukua, hakutaka kuendelea kuishi huku akiwa na maumivu moyoni mwake, ili awe na furaha, amani ilikuwa ni lazima kujimaliza.
Pikipiki ilikuwa ikiendeshwa kwa mwendo wa kasi. Ilipofika Mwenge, dereva akakata kushoto na kuchukua Barabara ya Ally Hassan Mwinyi na kuanza kuitafuta Bamaga.
Wakati dereva akiwa kwenye mwendo wa kasi, kwa mbele yake akaiona gari ikija kwa mwendo wa kasi. Hakuogopa, alikaa upande wake akiwa anaendesha kwa mwendo wa kasi pia.
Wakati gari lile la upande mwingine lilipokuwa limekaribia, dereva wa gari hilo akayumba, akahama njia na kwenda katika upande ule uliokuwa pikipiki ile, hapohapo wakakutana uso kwa uso.
Ulisikika mzinga mkubwa, gari likabondeka kwa mbele, pikipiki ikarushwa, dereva na Nandy wakarushwa, na kwa sababu Nandy hakuwa amevaa helmenti, akafikia kichwa kwenye lami, damu zikaanza kumtoka, kama jinsi alivyokuwa amefikia, akatulia hivyohivyo juu ya lami, hakutingishika hata kidogo.
“Mungu wangu!” alisema jamaa mmoja huku wakiwakimbilia watu hao.
Dereva alivunjika miguu na kiuno huku Nandy kwa kumwangalia harakaharaka, alikuwa amevunjika shingo na alionekana kuumia sana kichwani na mgongoni akiwa amechunika kutoka na mwili wake kuburuzika kwenye lami kabla ya kufikia pembeni kidogo ya mtaro na kutulia hapo.
“Jamani huyu mwanamke naye vipi? Mzima?” aliuliza jamaa mmoja.
“Huyu amekufa! Jamani simamisheni gari tuupeleke mwili huu hospitali,” alisema mwanaume mwingine aliyekuwa amemsogelea Nandy pale alipokuwa.

Nandy alifikishwa katika Hospitali ya St. Magreth iliyokuwa Kijitonyama akiwa hajitambui, kila mtu aliyemwangalia hakuamini kama kungekuwa na mtu ambaye angeumia vibaya kama ilivyokuwa kwake.
Mwili ulijaa damu, kichwani ndiyo ilikuwa balaa kiasi kwamba hata sura yake haikuwa ikionekana kabisa, yote ilitapakaa damu.
Manesi wakamchukua na kumpeleka katika chumba cha wagonjwa mahututi ambapo huko akaoshwa na kupelekwa katika chumba cha upasuaji, ilikuwa ni lazima kuokoa maisha ya binti huyo kwani alikuwa kwenye hatari ya kuyapoteza maisha yake.
Watu waliokuwa wamempeleka mahali hapo walikuwa wakisubiri taarifa rasmi kwa madaktari kwani tayari walijua kwamba alikufa hivyo walisubiri uthibitisho kutoka kwa madaktari tu.
“Ni ndugu yenu huyu?’ aliuliza nesi mmoja huku akiwaangalia watu waliompeleka Nandy hospitalini hapo.
“Hapana! Tumemsaidia tu! Vipi? Amekufa?” aliuliza jamaa mmoja.
“Hapana ila hali yake ni mbaya sana!” alijibu nesi huyo.
Wale waliokuwa wakishughulika na Nandy ndani ya chumba kile walikuwa bize, kwa jinsi alivyokuwa ameumia ilikuwa ni lazima afanyiwe upasuaji wa kichwa ambao kwa kitaalamu uliitwa Craniotomy.
Kwa kuwa hospitali hiyo haikuwa kubwa, Nandy alitakiwa kuhamishwa na kupelekwa katika Hospitali ya Taifa ya Muhimbili ambapo huko wangemfanyia vipimo vyote ili hata kama upasuaji wa kichwa ungefanyika basi ingekuwa ni rahisi kujua ni kitu gani kilitakiwa kufanyiwa kazi.
Haraka sana simu ikapigwa kitengo cha usafirishaji, gari likaandaliwa na ndani ya dakika kadhaa kupandishwa garini na kupelekwa katika hospitali hiyo huku akiwa hajitambui.
Walipofika, akateremshwa na kupelekwa ndani ya hospitali hiyo. Akachukuliwa na moja kwa moja kuingizwa katika chumba ambacho alitakiwa kufanyika hatua ya kwanza ya kuangalia tatizo lililokuwa kichwani mwake.
Hapo, akachukuliwa na kuingizwa kwenye mashine ya MRI (Magnetic Resonance Imaging) na kugundulika kwamba kulikuwa na donge la damu katika ubongo wake, lilikuwa limeganda kiasi kwamba liliyahatarisha maisha yake.
Alitakiwa kupasuliwa kichwa na donge lile litolewe kwani kwa jinsi hali ilivyokuwa ikionyesha, ilionekana kuwa mbaya sana kama tu wasingefanya kila liwezekanalo kuhakikisha donge lile la damu linatolewa.
Haraka sana daktari bingwa kwa upande wa upasuaji wa kichwa, Dk. Ezekiel Ndaki akapigiwa simu na kufika mahali hapo haraka sana. Nandy akachukuliwa na kupelekwa katika chumba maalumu cha upasuaji na kuanza kufanyiwa kazi.
“We have to perform Craniotomy very fast,” (ni lazima tumfanyie upasuaji wa kichwa haraka) alisema daktari huyo.
“Will she be okey?” (atapona kweli?) aliuliza nesi mmoja huku akionekana kuogopa.
“Is this your first time to help me?” ( hii ni mara yako ya kwanza kunisaidia?) aliuliza Dk. Ndaki.
“Yeah!”
“Are you scared?” (unaogopa?)
“A little bit!” (kidogo tu) alijibu, Dk. Ndaki akatabasamu kidogo.
Nandy alizungukwa na madaktari, manesi waliokuwa mahali hapo kwa ajili ya kumfanyia upasuaji, pale kitandani alikuwa kimya, hakujua ni kitu gani kilikuwa kikiendelea.
Upasuaji ukaanza, vifaa vyote vilivyokuwa vikihitajika vikawekwa tayari na kila mmoja kuwa makini katika kazi hiyo kwani kukifumua kichwa cha mgonjwa na kulitoa donge la damu lililokuwa kwenye ubongo haikuwa kazi ndogo kwani walitakiwa kuwa makini na kutokuichana mishipa iliyokuwa ikisafirisha damu kupeleka kichwani na kurudishwa katika moyo.
Kichwa kikachanwa na fuvu la kichwa kupasuliwa, kilichoonekana kilikuwa ni ubongo ambao ulikuwa na donge kubwa la damu.
Dk. Ndaki akaanza kuhangaika kulitoa donge hilo. Haikuwa kazi ndogo kwani kila alipokuwa akilisogelea, lilikwenda pembeni.

NAMTAKA MPENZ WANGU ARUDI SEHEMU YA 13, 14, 15, 16 & 17

*******

NAMTAKA MPENZ WANGU ARUDI SEHEMU YA 01, 02, 03, 04, 05 & 06

COMMENTS

BLOGGER
Jina

Affiliate Marketing,1,AFTER DEATH (BAADA YA KIFO),4,Afya Yako,151,AJIRA/JOBS,8,ANGA LA WASHENZI,1,ASIA DIGITAL,2,Baba Kiumbe Wa Ajabu,20,BAKING,1,BARUA ILIYOWAHI KUNIUMIZA,7,betting,1,Biashara,12,biashara mtandaoni,2,BIKIRA YANGU,1,BIKRA YANGU HAKI YA BABU,25,BISCUITS,2,BLACK AMERICA,33,BONGO MOVIES,12,Bora ungekufa kesho,1,CHOICE OF MY HEART (chaguo la moyo wangu),16,CHOICE OF MY HEART (chaguo la moyo wangu),1,CHOMBEZO,56,CHOZI LISILOFUTIKA,1,Chunusi,1,CHUPI MKONONI,4,CITY LIGHT,5,Classified,10,DARASA LA MAHUSIANO/MAPENZI,69,Darasa la mapenzi na ndoa,203,DEREVA TAXI,18,DUDU WASHA,4,Elimu na ushauri wa maisha,114,FIFA.com - Latest News,17,Hadithi,73,HALIMA,2,HOUSE GIRL WA DADA,8,I WILL BE BACK,15,I'M NOT A BOY,1,Jam,1,JAMANI BABA,8,JAMBAZI MTAMU,3,JAMII MEDICAL AWARENESS(JMA),1,JASTINA,7,JIBU,2,JIKONI,1,JINSI PAKA ALIVYOMALIZA FAMILIA YETU,5,Jobs,19,Joke,5,Kampuni,2,Kanyago,8,KEKI YA CHAI,1,kibamia,9,KIFO MKONONI (BIKIRA YA BIBI HARUSI),20,Kijijini kwa bibi,19,Kilimo,2,kofia za steaming,2,loans,1,LOVE BITE,10,Love Story,12,Mada,3,Mada ya Leo,7,Mahusiano,126,Makala,12,make money online,3,Mapenzi,2,Mapenzi na ndoa,3,MAPENZI YA KICHAWI,6,mapenzi/Ndoa,115,Mapishi,208,Mfalme Gilbert,4,Micro loans,1,MOYO ULIOJAA MAUMIVU,46,Mpiga Picha,3,MTOTO WA MAAJABU,44,MUME WANGU SHUJAA WANGU,3,MUUZA MAZIWA,10,MWAJUMA UTAMU,11,MWALIMU MKUU,10,MWANACHUO,5,Mwanafunzi Mchawi ( A Wizard Student ),9,NAITAFUTA FURAHA YANGU,3,NAMTAKA MPENZ WANGU ARUDI,8,Natural hair,4,Ndoa,1,News,40,Ngozi,1,Ngumu Kumeza,11,Nguvu za kiume,2,NILIKUWA NA MPENZI,4,NILIOLEWA NA JINI BILA YA KUTARAJIA,2,NILIYOYAONA DARFUR YANATISHA,1,NIPE KIDOGO,2,NISAMEE RATIFA,25,Noti Bandia,6,Nyama,1,Nywele,3,ONLY YOU,10,PENZI KABLA YA KIFO,5,PENZI LA MME WA MAMA,3,PENZI LANGU LINAVUJA DAMU,10,PENZI TAMU,6,PENZI ZITO,7,Riwaya,107,Roast,1,ROSTI YA MBUZI,1,SAFARI YA KUZIMU,19,SALA YA SARAH,1,SANGARE,25,Shahiri,1,SIFA ZINAUWA,3,Simulizi,161,SIMULIZI - ULIKUWA WAPI,8,SITO ISAHAU,8,Soup,1,SPHAGETTI BOLOGNESE,1,Sports News,4,SUBIRA HUVUTA HERI,21,Tangazo,4,U KILL ME,3,Ujasiriamali,13,UKURASA WA 56,10,ULIKUWA WAPI,2,ULIMWENGU WA MBWA MWITU,1,UNBREAKABLE LOVE,1,UTAM WA KITUMBUA,2,UTAMU WA JIRAN,1,UTAMU WA MAMDOGO,3,Videos,46,VISA NA MIKASA,2,Young paster,40,YouTube,74,
ltr
item
BongoLife : NAMTAKA MPENZ WANGU ARUDI SEHEMU YA 07, 08, 09, 10, 11 & 12
NAMTAKA MPENZ WANGU ARUDI SEHEMU YA 07, 08, 09, 10, 11 & 12
BongoLife
https://www.bongolives.com/2019/03/namtaka-mpenz-wangu-arudi-sehemu-ya-07.html
https://www.bongolives.com/
https://www.bongolives.com/
https://www.bongolives.com/2019/03/namtaka-mpenz-wangu-arudi-sehemu-ya-07.html
true
170677852813010960
UTF-8
Loaded All Posts Not found any posts VIEW ALL Readmore Reply Cancel reply Delete By Home PAGES POSTS View All RECOMMENDED FOR YOU LABEL ARCHIVE SEARCH ALL POSTS Not found any post match with your request Back Home Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS PREMIUM CONTENT IS LOCKED STEP 1: Share to a social network STEP 2: Click the link on your social network Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy Table of Content